Prieres et meditations chrestiennes

Quand j'aurois l'esprit aussi esleve que les anges, et que comme un autre Paul j'aurois veu des choses dans le ciel, que nulles oreilles n'ont encore entendues, nuls yeux considerees, et nul entendement comprises, o Jesus, que pourrois-je penser, et que pourrois-je dire qui fut approchant de la grandeur de l'estat ou je te considere. Si je consulte mes yeux, je voy l'ouvrage du sainct esprit en ton humanite, que nul peche n'a corrompue, et nul deffaut alteree, depuis qu'il la forma du plus pur sang de ta bien-heureuse mere.